كيف الجميع ؟؟ صباحكم ومساءكم ورد وكادي .. ..
نبدا مع خطوات التحضير :
1 - شو نحتاج :
# المكونات متل اللي بالصورة .. .. بدون تحديد كمية
ضمة بقدونس – كم حبة طماطم – كم حبة خيار – 2 خس – بصل أخضر
بالنسبة للبصل أطيب يكون اخضر بس عادي لو كان أبيض
# مكونات خلطة تتبيلة التبولة : برغل ( طبعا هو أهم شي وأساس التبولة )
لازم تنقعي البرغل قبل ما تبدأي بالشغل ولو نسيتي تنقعيه اغلي الماء وخليه عليه كم دقيقة
زيت زيتون ( نص ربع لتر تقريبا ) طبعاً زيادة عن زيت السلطة العادية
ملح حسب الرغبة – نعناع ( الأفضل يكون أخضر بس لوما توفر منحط مجفف )
وليمون 3 أو 4 حبات .. كمان اللي بميز التبولة طعمها الحادق ..
وهذا الليمون سقط سهواً من الصورة
# وبعدين بتفرمي كل الخضرة فرم ناعم
أهم شي بالتبولة يكون الفرم ناعم
تنبيه أثناء الفرم : بعد ما تفرمي كل الأشياء خلي الخس للآخر وسوي حفرة بالنص
بين الخضرة وحطي فيها الخس بعد ما تفرميه لأنه الخس بحتوي على الحديد يعني
لونه بسود بسرعة هو والنعناع الأخضر .. وهادي الطريقة بتحافظ على لونه الطبيعي
بعدين بتحركي ( أو بتقلبي ) الأشياء مع بعض وضيفيلها خلطة التتبيلة مع البرغل
وأخيرا .. الشكل النهائي للتبولة مع التقديم والتزيين البسيط لكن لابد منه .. ..
وبالهنا والشفا على قلوبكم
وأي سؤال .. تفضلو اسألو لا تستحو
لا تبخلو علي بالردود لأنو الموضوع تعبت عليه من شانكم ..